Meine lieben zuhausegelassenen :-)
phew... ich wird jo richtig fliessig mit schriebe! bhalt min wucherythmus sit einiger zyt richtig fliessig i. nit schlecht!!! jae jae jae... in dere wuche isch au wuerklich einiges passiert! weiss im moment gar nit wo afo... ok, viellicht do drmit, dass es mir guet goht. mir isch betreffend em erdbebe nuet passiert... im gegeteil, ich has nit emol gspuert, dass es zitteret het und anschienend is ziehmlich stark gseh si. voll uncoooooool!!! na ja, ich glaub bi mir cha die ganz wohnig zaeme stuerze und ich wuerd immer no witerschlofe :-) zum glueck ha i jo so ufmerksami gaest wo mi druf agsproche hei und angst vor nochbebe kha hei... voll geil, in mim einte hotel hets voll e riss in pool geh waeg dem erdbebe. voll krass! am selbe tag ha i denn au no leider muesse vernoh, dass es uf minere liebe insel am brenne isch... aaaaahhhh, das duet mr so richtig weh, wenn i unsi loeschflugzueg ghoer. so wies aber usgseht hei sies wieder im griff aber trotzdem... die schoeni landschaft :-(
mit em tauche lauft alles bestens... am fritig bin i zum erschte mol im open water gseh. e haaaaaaaaaaaaaaaaaaammer erlebnis. das haet i echt nit erwartet. mega die viele fischys wo doert umeschwimme. sauuuuuu toll! het total viel spass gmacht, obwohl i mi immer no wie e banane in daem superschwere tauchazug beweg. balance isch noni so wuerklich mis ding :-) und die dumme uebige hass i au vorallem wenn mae dr lungeautomat us em mul neh muess... aaaahhhh, nur das gfuehl zha, dass mae bald kei luft meh het... das ha i noni wuerklich gern!!! aber vo mol zue mol gohts besser. bi jetzt scho 10 m unter wasser gseh... isch cool, dass mich dr dimi so usbildet. ha wuerklich min persoenliche tauchlehrer.... vooooooll geil! muehsam ischs nur wenn ich oebis noni so mach wie i set, den loht er mi die doofe schiess uebige oebe 100 mol wiederhole und ich choent en kille fuer das. aber freu mi total uf e noeggscht fritig... nur no 2 mol und denn ha mi certificat... hoff i doch emol. set nur emol das buech lese!!!!
denn ha i gestert glaub mis absolute highlight kha sit daem ich do acho bin. und zwar ha ich gestert mi tag in santorini verbrocht. also leute in so situatione muess ich scho saege... ich han en voooooooll geile job. ha eifach so gratis mit dr faehri uebere choene und ha en absolute arschgeile tag doert aene verbrocht. traaaaaaaaaaaaaaaumhaft, ich saegs euch!!! ich lieb die insel!!!
bin uf das adventure ganz aellei ufbroche... am morge am halb sechsi ha i scho am port muesse stoh... unds schlimmste, chum i in das schiff ine... kliiiiiiiiick, werde grad foetli gmacht. suuuuuper! uf dae ha i gwartet... immer di mega touri-sache! unglaublich, wer chunt scho so uf e idee. ha mini 4.5 stund uf dr faehri bestens hinter mir brocht. total amuesant gseh... e totals irreschiff gseh. die hei scho am morge am 9i afo bier trinke und umetanze... also ich saegs euch besser als kino die touriste. ha scho nach ere stund glaub fuer jede passagier en name kha. hammermaessig!!!
endlich in santorini acho, het mich denn mi kolleg abgholt, wo mit mir zaeme dr tui grundkurs gmacht het und jetzt doert au als reiseleiter schafft. also ha i sogar mi persoenliche reiseleiter kha im megamaessige VIP-transfer :-) ich saegs euch wenn ihr die moeglichkeit emol heit, goenget unbedingt uf santorini. echt en traum und ich hans gar nit choene wohrha, dass ich das alles am erlebe gseh bin. also wuerklich e voellig unvergesslichs highlight. innerhalb vo 4 stuendli ha i denn die insel mit ihm zaeme entdeckt und bereist. waer uh gern no laenger bliebe aber mis schiff isch leider am 5i scho wieder abgfahre.
meine guete, doert ha i jo au e erlebnis kha uf dr rueckfahrt. dr letschti part vo fira, also dr hauptstadt, zum hafe verlauft uf 3 weg. entweder mae goht mit dr seilbahn, mit em esel oder 588 stege durab... was meinet ihr fuer welle weg ich mich entschiede han??? 4 euro fuer e seilbahnfahrt isch mir ztuer gseh (reiseleiter wuesse immer wie gspart werde sell und vorallem nuetzt mae alles us wo jo mit dr natur verbunde isch, damit mae so viel wie moeglich au weiss), geschweige den 5 euro fuer e eselrit und ich im miniroeckli... das goht gar nit... also goenge mr zfuess! 588 stege... juhhhhhuuuu... ich saegs euch es isch pure selbstmord gseh. erstens emol sind die stege so abglofe gseh, dass ich die ganz zyt usgrutscht bin... (guet, eigentlich set mae jo au wuesse, dass mae uf so usflueg keini flip flops aleiht....!!!!!) das goht jo no... aber die sch... esel! ich glaub in mim lebe ha ich nonie soviel esel uf eim fleck gseh! unglaublich! also dae weg isch jo wuerklich nit breit gseh und die esel sind natuerlich nit schoen alli links oder rechts gstande... nei, kunterbunt durchmischt und ich ha doert dure laufe muesse. also ich ha jo so oebis vo angst kha. will somene teil vertrau i denn gar kei spur wenn i bim hinterteil dure laufe muess.... also oebis anders isch mr nit uebrig bliebe... dae eselasturm isch jo au erst uf dr haelfti vo daem weg erschiene und umkehre ha i uf kei fall welle. also ha i mi doert duregschliche... so duenn und lieslig wie moeglich gmacht. meinet ihr die esel waere uf d site gange... nei, eifach bliebe stoh. ich geschieds ding, ha denn die glorrichi idee kha... tier cha mae immer besteche mit esse... also streu ich mi restlichs schoggigipfeli dass sich das teil bewegt... hoooooooooooooooorror! die ganz herde isch uf mich zuecho. ich han jo soooooooooo angst kha, echt! und denn isch natuerlich prompt so es ding no agressiv worde und het mi welle bisse. hei nei! was fuer en horrererlebnis.... esel, nie nie meh :-)
jo und schlussendlich bin i denn am halb elfi endlich wieder daeheim acho!!! isch echt e hammertolle tag gseh und wird unvergesslich in erinnerig bliebe!
die wuche ha i leider nuet meh so spektakulaers uf em programm bis ufs tauche am fritig!
ah joooooo... fuer diejenige, wo sich waehrend em schaffe total langwile und nit wuesse was mache... ich han euch e idee!!! letscht wuche ha i doch tatsaechlich vo mim papi e postkarte becho... es isch jo so toll gseh, nach fascht 3 moenet wieder emol persoenlichi und netti post zbecho als stelligsnahme und reklamatione. usserdem ha i gar nit gwuesst, dass das mit dere adresse funktioniert... aber tatsaechlich, es goht!!! also falls euch langwilig waeri... ich freu mi ueber jedi post vo euch :-) mini adresse waeri also:
TUI Hellas
c/o Desiree Koch
Sofokli Venizelou &
Panepistimiou 1
74100 Rethymnon - Crete
Greece
Schrecklich die adresse oder... und wie sell ich jemols griechisch lere :-) heeeeeellare!!!!
also meine lieben... ich wuensch euch alles liebi und hoffe bald wieder emol oebis vo euch zghoere!
hab euch lieb... schmuuuuuuuuuetzi
desi
p.s. gang jetzt go lost luege... voooooooooooooll geil!!!!
Περισσότερα... »
