und wieder emol isch im nu etlichi wuche vergange und ich chume erscht jetzt wieder zum schriebe... unglaublich wie die zyt umegoht. ich chum scho gar nuemi drzue zum richtig verarbeite.... in mine taeg lauft unendlich viel, dass ichs amigs wuerklich nuemi chan sortiere oeb das jetzt gestert oder vorere wuche gseh isch... ai ai ai :-)
goht mir dementsprechend wuerklich guet.... glaub ich :-) hi hi hi!!! nei nei, es up and down!!! aber ich glaub ab morn foht unsi hochsaison richtig a... gemaess mine akunftsliste ha i tatsaechlich no mehr akuenft als schuescht und jetzt chunt anschienends muehsame volk... ich freue mich!!!!
jo, isch wieder emol viel passiert. viellicht grad s brandneuste... sit 2 taeg ha i e buessi bi mir daeheim... jooooeeee... sie isch jo so haerzig und ich choent sie glaub gar nie meh los loh. so e liebi! denn bin ich kuerzlich gseh go shoppe... zum erste mol do in rethymnon! meine guete isch das es erlebnis gseh... het mega schoeni kleidli und dr hit isch eifach gseh, dass ich waehrend dr aprob vo somene kleidli eifach dine stecke bliebe bin. ich ha mi nuemi choene befreie... sprich d verkaeuferin het mir doch tatsaechlich muesse helfe. e super sach gseh! has schlussendlich denn glich kauft, eifach e nummere groesser :-)
denn bin i sogar zum coiffeur gange, das isch au so es highlight gseh.... bi nonie waehrend mine ferie bim frisoer gseh. also erstens emol, hets so e irri englaenderin dine kha wo tatsaechlich in ihre ferie beschlosse het z huerote... was mae alles uf so idee chunt. denn voll geil, ha ich doch tatsaechlich choene in daem coiffeursalon rauche waehrend dem si mir d hoor gschnitte het.... hi hi hi... also ich has wuerklich dr gipfel gfunde. erstunlicherwis het sies sogar richtig guet gmacht. also chas nume empfehle... guet, bin au imene 5 stern hotel gseh, glaub do doerf mae nit viel falsch mache!!! schlussendlich bin ich d visitekarte fuer empfehlige an mini gaest... vooooooll geil, also zum teil wird mae scho uf haend dreiht wenn mae seit, dass mae reiseleiterin isch!
denn wird ich in dr kommende zyt afo mis hobby schnorchle uszwite und zwar wird ich do dr tauchschien mache... mol luege entweder fang i am fritig oder noeggscht fritig a. oh je oh je, wie au immer das use cho wird.... aber ich freu mi total!!!
anschueschte vo dae hotels gits nit viel mehr zsaege... immer no die glich nervende gaest. grad heut het mi au wieder eini dermasse uf d palme brocht wil sie eifach verweigeret het mis formular zunterschriebe fuer en zimmerwechsel... also wuerklich, die moeche us mueckli elefante aber ganz gwaltigi... mae cha dene scho mamuts saege. also deutscher gast = schwieriger gast! als haet ichs nit scho gahnt. choenet euch jo vorstelle wie schadefreudig huet ich in minere praesentation gseh bin, wo ich dene mis beilied fuer die schrecklichi niederlag vo gestert usgsproche han. glaub darum sind huet au alli so ueberus kompliziert gseh und schlecht druf... aber egal hauptsach spanie het gwunne!!! oleeeeeeeeeeeeeeeeeeeeeeeeeee!!!
letscht wuche hei mir no en betriebsusflug nach malia kha. voooooooll geil gseh... maus ich ha empfall kei ecke meh kennt kha in malia. echt tragisch und ich bin doert vor 6 johr in dae ferie gseh.... unglaublich wie sich das veraenderet het!!!
kuerzlich bin ich denn endlich emol das go iloese wo ich mir do eigentlich sit 2.5 moenet vorgno han... go jogge :-) 1.5 h volle hahne dure und en teil no am strand... jeses gott dir choenet euch nit vorstelle wie sehr ich vom muskelkater plogt worde bin. in mine schuehli ha i chum choene laufe.... also wuerklich tragisch gseh! ha das wieder emol es bitzeli hintere gschobe aber isch genial gseh die sunneuntergang stimmig uebers meer am strand zverfolge mit dene absolut hammergeile farbtoen. es isch echt schoen do!
denn muess ich in dae noeggschte taeg e schweri entscheidig ueber mini zuekunft faelle... unsi wunschboege sind acho. kei ahnig fuer was ich mich entscheide wird... es isch jetzt eifach no zfrueh. wird aber wahrschindlich im winter heime cho... sind nur 4 moenet winterpause und denn nomol es sesion mache... mol luege was dr hochsummer no alles so mitsich bringt! ich bin gespannt!!!
oki doky... das waers denn au wieder emol us kreta! mehr gits bestimmt bald wieder... schliesslich isch d em fertig und ich ha dr drang match zluege au nuemi in mir dine! sprich ich wird definitiv mehr zyt finde... hoff ich doch! uebrigends die sach mit dae foeteli... muess euch leider entuesche... mi kamera het tatsaechlich dr geist ufgeh... ich bin echt betruebt. schrecklich! und ich weiss nit wie ich das wieder repariere chan, do jo die gschiede laede genau so offe hei wie ich schaff... na ja! what ever... ich muess es euch halt eifach daeheim zeige oder mir e neui kamera kaufe... suuuuuuuuuper!
wuerd mi freue wieder emol oebis vo euch zghoere... en dicke dicke knuddelschmatz
hab euch lieb
desi
Διαβάστε όλο το άρθρο στο "Kreta - World of Tui" »
Μεταφράστε αυτό το άρθρο (Translate this article) »
