hoffe es goht euch guet? het richtig guet do, wo ich huet mini mailbox bin go checke soviel mails vo euch choene zlese. echt schoen e bitzeli heimat choene zgspuere!!!
letscht wuche hets e ziehmlichs down geh... ich ha die schrecklichi nochricht erhalte, dass mich unseri katz letschte dieschtig verloh het. nach 18 johr zaeme ufwachse, isch das en harte schicksalschlag gseh. eigentlich wie es familiemitglied wo stirbt und dass het mi unendlich wit in es tief abezoge. chans gar nit glaube, dass ich sie gar niemeh gseh... na ja, glaub altersbedingt isch es fuer sie wuerklich besser gseh. sie het in dae letschte paar taeg wuerklich glitte und ich bin mir sicher dass das die richtigi entscheidig gseh isch.
mit schrecke han i am noeggschte tag denn muesse erfahre, dass es sich bi minere griechische katz gar nit um mini katz handlet sondern um die vo mim hotelmanager. also, super sach... desi het d katz vom hotelmanager kipnaeppnet!!! ha sae also wieder muesse zrugg geh und somit ha i 2 katze an 2 taeg verlore.... e ganz e drurigi sach gseh... aaaahhhh! unglaublich wie tierli sich so schnell in unsi herze choene vertiefe.
d wuche het sich denn trotzdem no e bitzeli verbesseret... oder wahrschindlich liegts eifach do dra, dass ich do wuerklich absolut rein gar nuet verarbeite due. das ha i echt muesse feststelle. es lauft do so viel zuegs... ich freu mich also wuerklich ufs heime cho... ha mir vorgnoh in dae noegschte taeg eifach weniger zmache und mehr zschlofe. ich bin im durmuedigkeitszuestand und dae goht eifach nuemi weg :-)
freu mich jetzt aber so richtig uf e fritig wil ich wuerklich mit mim tauchschien afange wird. juhuuuuuuuuuuuu! endlich wieder emol es hobby anstell vo schaffe und schlofe! ha gar nit gwuesst, dass mae soviel theorie lere muess. super sach, ich wo jo so gern liest. und vorallem in minere wenige freizyt es buch in d haend neh und sich zkonzentriere, fallt mr absolut mega super schwer! trotzdem fishy fishy fishy ich chume bald :-))))))
es isch so richtig heiss worde bi uns... ab em mentig sets nur no 40 graedli und ufwaerts geh... scheisse, das isch so schrecklich in dr uniform muesse zsie. also mir tropfts wuerklich nur no abe.... abartig waeh waeh waeh!!!
gestert bin i uf dr polizeistation gseh... es abenteur ich saegs euch. vorallem cha ich jo so guet griechisch und die so guet englisch... so guet, dass ich fuer mis working visa grad nomol doert atanze doerf und denn mit griechischer uebersetzig. also bin mir nur liecht verarscht vorcho.
isch krass... in letschter zyt haglets do nur no vo kuendigunge... ha grad vernoh, dass ein im oste uns verloh wird und mini personalchefin in dr schwitz het au s handtuch gworfe... kei ahnig was do abgoht aber ich chan irgendwie jede verstoh. es isch echt e psychische druck wo uf dir lastet und das haet i nie nie nie denkt. letscht wuche ha i mi endlich getraut emol miteme gast so richtig zstritte.... ah, isch das e aroganti s... gseh! beschwerde isch drum gange, dass sin sohn erscht 11i isch und in daem hotel kei animation fuer juniors git... also entweder nur fuer kinder oder erwachseni. sogar dae armi sohn cha nit emol aellei lift fahre wil d sicherheitsschild zeiget, dass kinder erst ab 12i dr lift aellei benuetze doerfe und er nit emol uf e usflug cha mitgo und ihn aellei zloh. saaaaau schlimm!!! denn muess mae sich emol halt mit sim kind befasse und viellicht vorher dr katalogbeschrieb besser durelese. es het mr denn erscht dr nuggi usegjagt wo er mich mit mim schwitzerduetsch dialekt nochimitiert het.... uuuuhhhh, das ha i nuemi vertreit und ha em grad emol gseit, uf so rassistisch art loh ich mich nit abesetze und wenns em nit passt, cha er grad sini koffere packe und in e anders hotel zieh. denn isch rueh gseh und mini arbeitskollege hei mi mit riesegrosse auge agluegt aber so es aaaaaaaaaaa... gseh! es het eifach use muesse... freu mich uf mini stelligsnahm aber hallo, ich loh mir do scho gnueg beleidigunge alose nur neume hets denn au emol sis endi. uf das bin i denn grad in dr bar go e shot trinke.... hi hi hi!!! das isch witzig gseh!!!
also guys, dass waers denn wieder emol gseh... ich meld mich fuer e moment ab.
druck euch ganz ganz fescht und freu mich immer wieder oebis vo euch zghoere.
ha euch super lieb
schmuetzi
desi
Διαβάστε όλο το άρθρο στο "Kreta - World of Tui" »
Μεταφράστε αυτό το άρθρο (Translate this article) »
