do bin ich endlich wieder emol... hoffe es goht euch guet? heit ihr alli schoeni summerferie verbrocht oder no dra ;-)?
bi mir isch eigentlich sowit so gut alles bim alte bliebe... au do kehrt einisch emol dr alltag i. sogar no viel extremer... maengisch ha is gfuehl ich fuehl mi wie in daem film *und taeglich gruesst das murmeltier*!!! das foht scho nur a bim wetter.... jede tag wenn mae useluegt, mega heiss und strahlend blau!!! unglaublich, dass mae sich emol nach es paar woelkli, wind und vorallem rege freut. eifach wieder emol e abwechslig. zur zyt hei mir naehmlich e unglaublich hochi luftfeuchtigkeit... also scho nur wenn ich amigs mini arbeitsblouse in d haend nimm, scho nur denn fohts a und es tropft tropft tropft und hoert nuemi uf....
viel in dere letzte zyt isch nit passiert.... ha mini infektion ueberstande... ha i gmeint!!! aber letscht wuche is mir wieder so schlecht gange, dass i wieder zum arzt ha muesse go... et voila, us minere infektion entsoht e virus und beduetet somit wieder antibiotikum. heeeeeerrlich! das nimmt eifach kei end. ich freu mich so wenn ich heime chan, und mich endlich vomene kompetente arzt untersuche chan! mis zahnspaengeli isch uf griechischi art irgendwie wieder gflickt worde... gott sei dank! mol luege wie lang das das hebe wird.
do ich jo immer no am medis schlucke bin und glaub mini serioesischti zyt in mim lebe dure mach :-) , cha i leider immer noni go tauche. am fritig muess i nomol zum arzt und wenn er mir endlich gruens licht git, denn cha i endlich noeggscht fritig mit tauchschien endlich fertig mache. was fuer e riese geburt und das zieht sich jo enorm use. bin in dae letschte wuche us luter frustration halt eifach laenger immer im usgang bliebe hocke. oebis anders cha mae do wuerklich nit mache... ah doch, schaffe... hi hi hi!!! und ah jo, wie cha i das vergesse... am dieschtig gang i an e riese konzert... vom katziyannis... vooooooooooooooooooll geil! andi und jacky, ihr settet no wuesse wer das isch... ich freu mich riesig druf... endlich wieder emol e abwechslig!!! und no mehr freu ich mich wenn endlich mi mama, papa, mini schwoe und dr diego im september verbi choeme. endlich wieder emol oeber vo daeheim zgseh, das git e riesehafte herzgump! ich freu mich so so so so soooooo enorm fescht!!!
uebrigends han i letscht wuche mi ausreisedatum erfahre... am 1. november wird ich wieder zue euch zrugg kehre. ich freu mich wuerklich enorm ufs heime cho, obwohl ich no gar noni recht weiss was nochher passiere wird. irgendwie ha i soviel vor aber doch nuet feschts. wenn alles guet chunt mit em dimi wird ich viellicht nit emol so lang in dr schwitz bliebe, sondern mit ihm nach asie go und doert e gwuessi zyt umereise. mir wei naehmlich so richtig doll go tauche in thailand und indonesie.... aber ebe... ich leb eifach emol mit em wind und schnee in winter ine. wies halt au immer usechunt, mir werdes gseh! eis isch sicher, zerscht moecht ich euch alli gseh und fescht fescht drucke!
mehr ha i euch leider nit z verzehle... mis lebe bestoht wuerklich nur us schaffe, schlofe, strand, furt zgo und mim dimi ;-)! also halb zyt isch ume....
hab euch ganz doll lieb und hoffentlich bis bald
schmaaaaaaaaatzi desi
ps. mama, nomol e rieeeeeeeeeeeeese happy birthday. denk fescht fescht an dich und lieb di no viel viel mehr!
Διαβάστε όλο το άρθρο στο "Kreta - World of Tui" »
Μεταφράστε αυτό το άρθρο (Translate this article) »
