okay okay okay... ich weiss... shame on me!!!! über e monet und ich han euch kei einzigsmol au nur e chleises lebenszeiche vo mir geh! oooouuuuppppssss... wie die zeit vergeht!!!!! stellet euch vor hüt in eim monet bin ich wieder bi euch däheim. ich freu mich eeeeeenorm fescht endlich wieder heime zcho. isch unglaublich, bald isch alles gschafft und fertig ;-)
mir gohts sowit so gut... diesbezüglich chan i eigentlich gar nüt säge. uf dr insel is au einiges ruhiger worde. mä merkt, d saison isch bald fertig und jede freut sich uf sini wohlverdiente ferie und keini nervende gäst! hammermässig... cha mir das gar nümi vorstelle wies isch kei einzigi reklamation meh zghöre und vorallem dä ganzi schlof chöne ufzhole, wo mir do in dä letschte mönet verbi zoge isch!!!! juhuuuuuuuuuuuuuuuuuuuuuuuuuuuuuuuuuuuuuuuu..... ;-)
in mim letzte monet isch eigentlich saumässig viel passiert. in dr erste september wuche isch mi mam und dad bi mir uf bsuech gseh. das het so richtig guet do, eifach nur scho zwüsse, dass öber vo däheim ganz nöch bi eim isch. has absolut gnosse und mir hei zämä e wunderschöni wuche verbrocht, wo für mich würklich unvergesslich bliebt. has richtig chöne gniesse und umso schlimmer ischs für mich denn au gseh, mini eltere uf e transferbus müsse zbegleite und sie heim schicke loh. ich wär so gern mitgange....
aber nur scho ei tag spöter isch denn bereits scho mini schwöster mit em diego uf kreta inegschneit und somit isch mis heimweh ziehmlich schnell gstillt worde ;-) au mit dr jessi und mit em diego ha i e wunderschöni wuche verbrocht. leider ha i bi ihne einiges mehr zdue kha aber was schöne gseh isch, stellet euch vor.... in dere wuche ha i für 2.5 täg so richtigi ferie chöne gniesse. das het so richtig guet do. hei es paar usflügli unternoh und dr strand gnosse.... (sobald ich endlich wieder mi kameraverbindigsgrätli find, cha i wieder es paar föteli uf e blog schmeisse) also die zwei wuche hei mir würklich so richtig guet do und ich bin echt betrübt gseh, wo denn leider au d jessi und dr diego wieder heime si gange. plus s wetter hets sich denn afo radikal wende... rege, rege, rege und mit ere bittere kälti wo ich mir doch gar nümi gwöhnt bin ;-)
so ha ich versucht nach mine bsuechli min alltag wieder zfinde und nur scho 3 täg spöter ha i uf eimol es telefon im büro erhalte.... en gast us mim hotel em atlantis beach..... aber doch nit würklich en gast, sondern en unerwartete bsuech us dr schwitz.... dr luki-zuki und sini 2 kollege hei do ei wuche rundreis in kreta unternoh. isch jo dr hammer gseh, völlig unerwartet und ich bin total überrascht worde. usserdem und per grossem würklich suuuuuuper grossem zuefall sind die 3 denn au no in mim hotel unterbrocht gseh. also würklich witzig die zuefall. sie sind no genau 2 täg bliebe und do ich in dere wuche absolut hammermässig zdue kha han, hets mr leider denn nur glängt kha am donnstig zobe mit ihne in usgang chöne zgo. isch aber echt witzig gseh und wie gseit, ich bin total überascht gseh. nooooooooooooomol merci vielvielmol luki, dass du mich so fliessig ufgsuecht hesch. isch echt e mega tolli überaschig für mich gseh!
jo und denn sind mini bsuechli alli verschwunde... isch echt schön gseh, dr ganz september sozsäge öber vo däheim do zha. dementsprechend hets mr au würklich nit ins internet glängt, doch ich würklich versucht han, jeglichi freii minute mit ihne zgniesse.
september isch sowieso sehr speziell gseh. vo minere wenige reiseleitererfahrig wo ich mittlerwile gsammlet han, isch dä monet würklich dr astrengsti gseh. d paxe = bedütet in dr tourismussproch d touriste.... sind obermühsam und ich bin nit ums overbooking drvo cho. das bedütet soviel, dass s hotel d zimmerrechnig falsch berechnet het, sprich mini gäst hei nit die gebuchti leistig erhalte wo sie eigentlich zahlt hei.... das während 2 wuche... es isch allso würklich dr hammer gseh. ha mi glaub vom morge bis zobe nur entschuldigt und es het ghaglet an reklamatione und natürlich unzfriedeni gäst... würklich witzig wenns sie denn vor dir voll durekeihe. has relativ mit humor gno aber ich merk jetzt würklich, ich mag nümi und ich bin am end mine nerve... glaub i ha do uf dere insel e graus hoor becho, wenn i jemols eins find.... hi hi hi!!! drzue hei mr no dr johresabschluss kha endi september sprich jede pipifatz hesch irgendwie muesse abgeh, wo no offe gseh isch. ah jae, das sind zwei wuche gseh... aber isch okay, ha mi ueber wasser ghalte... irgendwie!!!
uebrigends ha i mi noeggscht zielgebietsisatz becho... 3mol doerfet ihr rote wohi ich chum!!! yeps... rethymnon again... na ja, ha mi noni so ganz drmit agfruendet aber au nit wuerklich abgneigt. mol luege.... im winter bliebt viel zyt uebrig zum ueberlege, wies genau witer goht! und viellicht gits jo glich no e zielgebietsaenderig... bi dr tui isch alles moeglich. fixier mi mol noni ganz mit daem gedanke. kommt zeit kommt rat. erschtmols moecht i jetzt eifach do die saison beende.
es sind au scho bereits einigi reiseleiter abgreist... also mir werde immer und immer wie weniger!!! und mir hei sozsaege ei abschiedsparty nach dr andere, nur ich blieb uebrig :-(((( in dae letzte zwei wuche krieg i denn nomol es paar hotel mehr drzue. fuer mini kollege wo bereits scho abreise vorher und ebe ich denn dr rescht no muess ufrume. bin mol gspannt was i bechum. freu mi uf jedefall wieder uf en wechsel und anderi hotelumgebig!!!!
was isch schuescht no neus???? leider nit viel mehr, oder doch nur fallts mr nit grad wuerklich i..... ach mis gehirn isch wuerklich abgstellt wenn i nit am schaffe bin. echt uebel!!!!
also ich freu mich wuerklich ueber mini heimkehr. zaehl jeglichi taeg und chas chum erwarte euch alli endlich wieder zgseh. vooooooooooooll cool!!!
aber jetzt erschtmols loh ich euch mit daem blogitrag und ich versuche so bald wie moeglich neui foeteli druf zdue.... in mim eint hotel mit internetaschluss wirds ruhiger und so wird ich bestimmt mehr zyt ha... hoff ich doch zuemindest... :-)
es gruesst und kuesst euch ganz lieb aus der ferne und denn uebriggebliebenen sonnenstrahlen
eure desi
Διαβάστε όλο το άρθρο στο "Kreta - World of Tui" »
Μεταφράστε αυτό το άρθρο (Translate this article) »
