ja ja ja... und scho wieder isch e wuche vergange! und was für eini!!!! in dere kurze zyt isch au einiges los gseh... zur zyt ischs uf minere insel zur gwohnheit worde, dass mä jede tag irgendöber verabschiedet. nur ich blieb!!! isch echt schrecklich das ganze!!! die erste hotel hei bereits au scho d liechter glösche und us mim lebhafte rethymnon isch langsam e geisterstadt worde. dementsprechend isch es au super öde während em schaffe... ich glaub ich ha nonie in mim lebe so lang zyt absitze müsse und das bereits jetzt scho sit ere wuche. krieg lansam hermoride drvo... hi hi hi! zum glück ha i aber letscht wuche bsuech kha... sandy und ihres mami s anni hei mi als letschti bsuecher uf dere insel beglückt :-)
isch e richtig action riechi wuche gseh.... vorallem dr start het bi dene zwei ziehmlich turbulent agfange, gäll sandy und anni ;-) sie sind würklich in dr dümmste zyt do acho. mir hei nämlich letscht wuche für ca. 4 täg richtigi stürm und viel rege kha. so fescht das es sogar zumene 2h stromusfall cho isch. mini zwei liebe bsuecher si also im hotel im dunklet gsesse und anstell dass mir si in mis absolute lieblingsresto im fantastico go znachtesse hei mir also im dunkle resto vom atlantis beach innerhalb vo 10 min. müsse esse! aaaah, das isch no e sach gseh!!! guet abgseh drvo s zweit mol wo mir denn hei welle go, ha i mit schrecke müsse feststelle, dass es zur zyt eh gschlosse isch wil bsitzerin s buschi becho het... (mami, papi, jessi und diego... sie het e bübli becho.... michalis! wie chönt mäs echt au anderst nenne.... heisse do sowieso alli costas, yiannis, dimitris, nikos, michalis, manolis, jorgos... also irgendein isch es immer!!) mini zwei gäst sind aber super aktiv gseh und hei abgseh vo erkundig rethymnon und chania, tatsächlich no die längstbegehbarsti schlucht d samaria atrette. normalerwis für die wanderig het mä zwische 5-6 stund aber mini zwei spörtler sind innerhalb vo 4 h dure gseh... also echt e hammer leistig! sandy, hets denn aber trotzdem in dä kommende täg in dä wädli gspürt. hi hi hi ;-)
leider ha i in dere wuche sehr viel abschiedsfier kha und ha mir usserdem no e übli erkältig inezoge, wo mir für die wuche würklich usser gfecht gsetzt het... aber jetzt gohts mir wieder guet!!!! ;-) hei denn no en badesusflug nach matala gmacht.... nomol so richtig sunne gnosse mit sunnebrand, s bade isch mir zkalt gseh aber das ha ich den schön dä ladies überloh, do ich eh wieder emol nur am schlofe gseh bin... hi hi hi!!! isch e schöni wuche gseh und ich ha mini gäst echt gnosse. eifach nur schön wenn öber vo däheim do isch. merci merci vielmol für die wunderschöni zyt und moment!
jo und denn hets am samstig so richtig agfange mit dä abschied... d anja vo tui polen isch gange, d leidy und leider au dr mouhcine. also für uns zruggbliebene ischs jetzt würklich es kopfhänge... 3 wichtigi lüt in dere zyt wo ich do gseh bin. und das alles an 2 täg.... ich säg euch tränekanal bi uns allne isch uf hochtoure! mir hei uns gestert nomol alli zämä grisse und hei erstunlicherwis e super lustige obe verbrocht. was mir eis glache hei über die gschichte wo do passiert sind... ai ai ai!!!! so höch unses hoch gestert gseh, so tief isch es hüt am morge! und es goht no witer und wird leider nit besser... nur mir bliebe no übrig. nur no 13 täg aber es werde 13 mega langi täg werde. vorallem wenn bezugspersone abreise.... ach, muess ufhöre... bi mir tröpflets schüscht scho wieder!!!! bin im moment super trurig aber au nur will ich so e wunderschöni und unvergesslichi zyt do uf kreta ha dörfe erlebe!!!!
na ja, au für mi gohts z end und ich weiss jetzt endlich wenn ich däheim achum...... also fliege due ich am 1. november. chume in basel a und zwar am 14.30 uhr gemäss eurer zyt!!!
so das wärs fürs erschte wieder emol.... ich meld mi bestimmt au nomol... es isch echt langwilig!!!!
e dicke schmutz an euch alli und speziell an d sandy und s anni, snöggschtmol bitte kei kerze vergesse ;-)
hab euch lieb
dési
Διαβάστε όλο το άρθρο στο "Kreta - World of Tui" »
Μεταφράστε αυτό το άρθρο (Translate this article) »
